निमगाव सावा येथे गणपती विसर्जन करण्यासाठी नदी पात्रात गेलेला युवक बेपत्ता.

: नारायणगाव : (प्रतिनिधी) जुन्नर तालुक्यातील निमगाव सावा येथील सार्वजनिक गणपतीचे विसर्जन करण्यासाठी कुकडी नदीचे पात्रात अशोक खंडू गाडगे हा 26 वर्षाचा युवक गेला असता तो पाण्यात बुडून बेपत्ता झाल्याची प्राथमिक माहिती मिळत आहे. त्याचा शोध स्थानिक तरुण व पोलीस यंत्रणा करीत आहे. सार्वजनिक गणपतीचे विसर्जन करण्यासाठी तो नदीच्या पात्रात उतरला होता अशी प्राथमिक माहिती मिळत आहे. दरम्यान याबाबतची माहिती स्थानिक नागरिकांनी पोलीस प्रशासनाला दिली असून स्थानिक भिल्ल समाजाचे युवक त्याचा पाण्यामध्ये शोध घेत आहेत. तसेच आपत्ती व्यवस्थापनाच्या एन डी आर एफ पथकाला देखील या ठिकाणी पाचारण करण्यात आले असल्याचे स्थानिक तरुणांनी सांगितले.
दरम्यान घटनेची माहिती कळताच नारायणगाव पोलीस ठाण्याचे सहाय्यक पोलीस निरीक्षक महादेव शेलार तातडीने घटनास्थळी दाखल झाले. असून ते म्हणाले की,निमगावसावा या ठिकाणी गणेश विसर्जनाचे ठिकाण दुसरीकडे असताना हा युवक थेट नदीपात्रात उतरून स्टंटबाजी करायला गेला असावा व त्यातून हा प्रकार झाला असावा अशी प्राथमिक माहिती मिळत असल्याचे त्यांनी सांगितले. दरम्यान सध्या पाऊस सुरू असून नदीपात्रात देखील पाणी सोडण्यात आले आहे. गणपती विसर्जनाला गेल्यावर कार्यकर्त्यांनी काळजी घ्यावी. नदीपात्रात खोल उतरू नये असे आवाहन उपविभागीय पोलीस अधिकारी धनंजय पाटील यांनी केली आहे.